Віктар Аляксеевіч Парыцкі нарадзіўся 31 студзеня 1925 г. у сяле Паланістае Галаванеўскага раёна Кіраваградскай вобласці Украінскай ССР. Ад бацькі пераняў любоў да музыкі, бацька вучыў яго іграць на скрыпцы, а Віктар самастойна асвоіў мандаліну, балалайку, гітару, духавыя інструменты.

Валерый Барысавіч Коваль нарадзіўся 24 красавіка 1951 г. у г. Бабруйску Магілёўскай вобласці. Бацька ў маладосці іграў на кларнеце, дзядзя — на гармоні, маці добра спявала, але спецыяльнай музычнай адукацыі яны не мелі. У чацвёртым класе Валера Коваль прыйшоў у школьны духавы аркестр, з таго часу яго лёс стаў звязаны з музыкай.